Тьяго Альмада "Олтин тўп"нинг Лионел Мессига топширилиши ҳақида фикр билдирди.
Аргентиналик ҳужумчи фаолиятида саккизинчи марта йилнинг энг яхши футболчиси совринини қўлга киритди.
“Биз у ғалаба қозонишини билардик. У бунга кўпроқ лойиқ. У энг зўр. У билан бир жамоада ўйнаш ва қандай инсон эканлигини кўриш катта бахт.
Телевидениеда бўлишни хоҳлайдиган одамлардан ҳар доим баъзи [танқидий] шарҳлар бўлади, лекин биз Месси дунёнинг энг яхши ўйинчиси ва унга ҳаммадан кўра муносиб эканини биламиз", деди Аргентина терма жамоаси ва "Атланта Юнайтед" ярим ҳимоячиси.
