Рональд Араухо "Шахтёр"га қарши ўйинда жароҳат олишдан қутулиб қолди.
Кеча "Барселона" Чемпионлар лигаси гуруҳ босқичининг 4-турида "Шахтёр"га имкониятни бой берди (0:1). Ўйин охирида Рональд Араухо оқсоқланиб, сонини ушлаб турди, аммо ноқулайликларга қарамай, "кўк-анорранглилар" ҳимоячиси алмаштиришни сўрамади.
Marca нашри хабарига кўра, бугунги текширув Араухода жиддий жароҳатлар аниқланмаган, "Барселона" ҳимоячисига фақат мушакларнинг ортиқча юкланиши ташхиси қўйилган.
Уругвайлик футболчи шу якшанба куни Ла Лига доирасида "Алавес"га қарши ўйинда иштирок эта олади.
