Суперлига 19-туридан ўрин олган Бухоро – Олимпик (0:1) учрашувидан сўнг меҳмонлар бош мураббийи Тимур Кападзе ўз фикрларини билдириб ўтди.

“Жамоамни ғалаба билан табриклайман. Футболчилар яхши ўйин кўрсатишди. Пенальти белгиланган вазиятни кўрмадим. Умуман олганда, биз ғалабага ҳақли эдик. Имкониятларимиз кўп бўлди, балки, вақтлироқ тўп киритганимизда, барчаси эрта якун топиши мумкин эди.

Мезбонлар биринчи бўлимда бизга кўплаб муаммолар туғдиришди. Бухорўга омад тилайман, жамоанинг ҳозирги ҳолатини тушуниб турибман. Бу – футбол, ўйлайманки, барчаси жойида бўлади.

Бухоро мухлислари ўз жамоаларини яхши кўришади ва унга мухлислик килишади. Улар жамоани яхши ўринларда кўришга ҳақлилар. Вақти келиб жамоа чемпион ҳам бўлар, ОЧЛда ҳам иштирок этади. Бунинг учун эса яхши жамоа, яхши мураббий ва шунга мос раҳбарият керак. Жамоа базаси, академияси ва бошқа камчиликлар бартараф этилса, барчаси аста-секин яхшиланиб боради”, – деди Кападзе.