Superliga 19-turidan o‘rin olgan Buxoro – Olimpik (0:1) uchrashuvidan so‘ng mehmonlar bosh murabbiyi Timur Kapadze o‘z fikrlarini bildirib o‘tdi.

“Jamoamni g‘alaba bilan tabriklayman. Futbolchilar yaxshi o‘yin ko‘rsatishdi. Penalti belgilangan vaziyatni ko‘rmadim. Umuman olganda, biz g‘alabaga haqli edik. Imkoniyatlarimiz ko‘p bo‘ldi, balki, vaqtliroq to‘p kiritganimizda, barchasi erta yakun topishi mumkin edi.

Mezbonlar birinchi bo‘limda bizga ko‘plab muammolar tug‘dirishdi. Buxoro‘ga omad tilayman, jamoaning hozirgi holatini tushunib turibman. Bu – futbol, o‘ylaymanki, barchasi joyida bo‘ladi.

Buxoro muxlislari o‘z jamoalarini yaxshi ko‘rishadi va unga muxlislik kilishadi. Ular jamoani yaxshi o‘rinlarda ko‘rishga haqlilar. Vaqti kelib jamoa chempion ham bo‘lar, OCHLda ham ishtirok etadi. Buning uchun esa yaxshi jamoa, yaxshi murabbiy va shunga mos rahbariyat kerak. Jamoa bazasi, akademiyasi va boshqa kamchiliklar bartaraf etilsa, barchasi asta-sekin yaxshilanib boradi”, – dedi Kapadze.