"Арсенал" бош мураббийи Микель Артета ҳужумчи Кай Хаверцнинг жорий мавсумдаги ўйинини юқори баҳолади. Эслатиб ўтамиз, ёзда германиялик футболчи "Челси"дан 75 миллион евро эвазига сотиб олинганди.
"Сизга шуни айта оламанки, Хаверцнинг ўйинидан жуда мамнунман. Унинг шахсий статистикасига келсак, буни яхшилаш керак. Рақиб жарима майдончасидан ташқари, майдоннинг бошқа жойларида ҳам Хаверц жамоага жуда муҳим сифатларни беради" - деди Артета матбуот анжуманида.
Жорий мавсумда Англия Премьер-лигасининг 11 та учрашувида Хаверц битта гол ва голли узатмани амалга оширди.
