Бразилия терма жамоаси ва "Вест Хэм" ярим ҳимоячиси Лукас Пакета "Манчестер Сити"нинг трансферлар рўйхатида қолмоқда. Бу ҳақда Todofichajes нашри хабар бермоқда.
Манбага кўра, 26 ёшли бразилиялик футболчи Кевин де Брюйне жамоани тарк этса, "шаҳарликлар" сафига қўшилади. Бельгиялик ярим ҳимоячига Саудия Арабистони чемпионатидан таклифлар бор.
"Манчестер Сити" бельгиялик футболчини сотиб, даромадни Пакета учун сарфлашга рози бўлиши мумкин. Жанубий америкалик футболчининг трансфер қиймати 65 миллион еврога баҳоланмоқда. Лукаснинг "болғачилар" билан шартномаси 2027 йилнинг июнь ойи охиригача амал қилади.
