ПСВ ажойиб формада. Якшанба куни Петер Бош шогирдлари ўз майдонида "ПЕК Зволле" жамоасини 4:0 ҳисобида мағлуб этишди.

Шу тариқа, ПСВнинг Нидерландия чемпионатидаги ғалабали серияси ўтган мавсумни ҳисобга олсак, 13 та ўйинга етди. Бундан ташқари, ПСВ Эредивизия тарихида кетма-кет 11 ўйинда камида учта гол урган биринчи жамоа бўлди. Бу ҳақда Эйндховен клуби матбуот хизмати хабар бермоқда.

Ушбу 11 ўйинда ПСВ қуйидаги натижаларни кўрсатди: 3:1, 4:0, 4:0, 4:0, 3:0, 3:1, 4:0, 3:1, 5:2, 6:0 , 4:0.

ПСВ Нидерландия чемпионатининг навбатдаги ўйинини 25 ноябрь, шанба куни "Твенте"га қарши ўтказади.