Лондоннинг "Арсенал" клуби мухлиси Пирс Морган Эрлинг Холандга берилган пенальтидан норози.
"Манчестер Сити"нинг "Челси" билан ўйиндаги (4:4) биринчи голини 11 метрлик зарбасидан Холанд киритди. Бош ҳакам Энтони Тейлор Марк Кукурелья норвегиялик футболчининг либосидан тортиб, қўполлик қилган деб ҳисоблаб, "нуқта"ни кўрсатди. Шу билан бирга, Эрлинг ҳам рақибини либосидан ушлаб турганди.
"Навбатдаги кун, навбатдаги ВАР фиаскоси. Холанд ўзини гиперактив саккизоёқ каби тутди, аммо пенальти ишлаб олди. Бемаънилик", - деб пост қолдирди журналист ва "Арсенал" мухлиси.
