"Манчестер Сити" ҳужумчиси Эрлинг Холанд жамоанинг "Челси"га қарши ўйиндаги ҳаракатидан унчалик мамнун эмас.
Якшанба кунги АПЛ ўйинида "Сити" уч марта олдинга чиқиб олди, аммо 95-дақиқада ғалабани қўлдан бой берди. Учрашув 4:4 ҳисобида якунланди.
"Бизда устунликни ошириш учун имкониятларимиз бор эди, аммо биз улардан фойдалана олмадик - бу жиҳат устида ишлашимиз керак", - дейди ўша учрашувда дубль қайд этган Холанд. - Кейинги сафар бешта гол уришимиз керак бўлади. Ўзимни кўрсатганимдан хурсандман, лекин жамоа ғалаба қозона олмаганидан хафаман. Аммо бир очко барибир нолдан яхшироқ”, - дея норвегиялик форварднинг сўзларини келтиради журналист Саймон Байковски.
