"Атлетико Мадрид" бош мураббийи Диего Симеоне жамоанинг инқироз даври ҳақида гапирди.
"Матрасчилар" ўтган мавсумнинг биринчи ярмида омадсизликка учрадилар - муваффақиятсизликка мисол қилиб Чемпионлар лигаси гуруҳидаги сўнгги ўринни кўрсатишимиз мумкин.
“Кетиш фикри хаёлимдан ўтганми? Йўқ, лекин роппа-роса бир йил олдин ҳамма нарса аввалгидек ишламаган пайт бўлганди. Биз аввалги ритмга қайтиш йўлларини топа олмадик. Бизда иккита йўл бор эди: биринчиси, газни босиб, олдинга қадам қўйиш ва кескин бурилиш қилишга қарор қилиш, иккинчиси эса ўша йўлда давом этиш эди. Биз биринчи вариантни танладик, мослаша олдик ва кейин ҳаракатни давом эттирдик”, деди яқинда “Атлетико” билан шартномасини 2027 йилгача узайтирган Симеоне.