"Atletiko Madrid" bosh murabbiyi Diyego Simeone jamoaning inqiroz davri haqida gapirdi.
"Matraschilar" o‘tgan mavsumning birinchi yarmida omadsizlikka uchradilar - muvaffaqiyatsizlikka misol qilib Chempionlar ligasi guruhidagi so‘nggi o‘rinni ko‘rsatishimiz mumkin.
“Ketish fikri xayolimdan o‘tganmi? Yo‘q, lekin roppa-rosa bir yil oldin hamma narsa avvalgidek ishlamagan payt bo‘lgandi. Biz avvalgi ritmga qaytish yo‘llarini topa olmadik. Bizda ikkita yo‘l bor edi: birinchisi, gazni bosib, oldinga qadam qo‘yish va keskin burilish qilishga qaror qilish, ikkinchisi esa o‘sha yo‘lda davom etish edi. Biz birinchi variantni tanladik, moslasha oldik va keyin harakatni davom ettirdik”, dedi yaqinda “Atletiko” bilan shartnomasini 2027 yilgacha uzaytirgan Simeone.