Франция терма жамоаси ва "ПСЖ" ҳужумчиси Килиан Мбаппе Германия чемпионатига ўтиши мумкин, бу ҳақда Todofichajes журналистлари хабар бермоқда.
Манбанинг хабар беришича, Мюнхеннинг "Бавария" клуби 24 ёшли ҳужумчи трансферига қизиқмоқда. Германия чемпиони Килианни қўлга киритиш учун асосий даъвогар саналаётган "Реал" билан рақобатлашишга тайёр.
Аввалроқ, “Бавария” устози Томас Тухель франциялик футболчини ўз жамоасида кўришни хоҳлашини айтганди.
Франция чемпионатининг жорий мавсумида Мбаппе 11 та ўйин ўтказиб, 13 та гол ва битта голли узатмага муаллифлик қилган.
