"Ньюкасл" қишки трансфер ойнасида "Байер" ҳимоячиси Жонатан Тани сотиб олишга умид қилмоқда.
TEAMtalk нашри хабарига кўра, "Ньюкасл" бош мураббийи Эдди Хау Свен Ботман ва Ден Бирнни жиддий жароҳатлар туфайли йўқотиб қўйганидан кейин марказий ҳимояни кучайтиришни январь ойидаги устувор вазифаларидан бирига айлантирган.
Хау барча жабҳаларда муваффақият қозониши учун унга бу позицияда бошқа ўйинчи керак деб ҳисоблайди.
"Ньюкасл"нинг нишонида эса бир неча йиллардан бери Премьер-лиганинг турли клублари томонидан қизиқишларга сабаб бўлаётган "Байер" футболчиси Жонатан Та турибди.
Шартнома тугашига атиги 18 ой қолганида, 27 ёшли германиялик футболчи Хаби Алонсо жамоасининг асосий аъзоси бўлишига қарамай, январь ойида "Байер" Жонатан билан хайрлашиши мумкин.
