"Nyukasl" qishki transfer oynasida "Bayer" himoyachisi Jonatan Tani sotib olishga umid qilmoqda.
TEAMtalk nashri xabariga ko‘ra, "Nyukasl" bosh murabbiyi Eddi Xau Sven Botman va Den Birnni jiddiy jarohatlar tufayli yo‘qotib qo‘yganidan keyin markaziy himoyani kuchaytirishni yanvar oyidagi ustuvor vazifalaridan biriga aylantirgan.
Xau barcha jabhalarda muvaffaqiyat qozonishi uchun unga bu pozisiyada boshqa o‘yinchi kerak deb hisoblaydi.
"Nyukasl"ning nishonida esa bir necha yillardan beri Premyer-liganing turli klublari tomonidan qiziqishlarga sabab bo‘layotgan "Bayer" futbolchisi Jonatan Ta turibdi.
Shartnoma tugashiga atigi 18 oy qolganida, 27 yoshli germaniyalik futbolchi Xabi Alonso jamoasining asosiy a’zosi bo‘lishiga qaramay, yanvar oyida "Bayer" Jonatan bilan xayrlashishi mumkin.
