"Лацио" футболчиси Педро Родригес яна "Барселона"да ўйнашни орзу қилишини тан олди.
36 ёшли вингер мавсум охирида эркин агентга айланиши мумкин – унинг “Лацио” билан шартномаси июнь ойига қадар амал қилади. Испаниялик футболчининг фикрича, “Барселона”га қайтиш нафақага чиқишдан олдин идеал сценарий бўларди.
"Агар Хави мени таклиф қилса, у афсусланиб, фикрини ўзгартирмасдан олдин келаман", - дейди Педро ҳазил билан. - Бу мен ҳозир ўйнаётган клубга эътибор қаратмаганимни англатмайди, лекин "Барселона" менинг уйим. Кўп омиллар, жумладан, ёшим туфайли у ерга қайтиш жуда қийин бўлишини тушунаман, лекин мен буни жуда хоҳлардим. Бу жуда зўр бўларди, лекин ҳозир бу ҳақда жиддий ўйламайман, чунки эҳтимоллик жуда паст", - дея Педронинг сўзларидан иқтибос келтиради Mundo Deportivo.
