Бельгия терма жамоаси бош мураббийи Доменико Тедеско ўртоқлик учрашувида Сербия устидан қозонилган ғалабадан сўнг (1:0) ўз фикрлари билан ўртоқлашди.

"Мен кўп нарсани ўргандим. Умуман олганда, мен мамнунман. Ал-Дахил бугун жуда яхши ўйнади, у шунчалик тезкорки, нотўғри позицион ўйинга дош бера олади.

Мен Дебастни ўнг қанот ҳимоячисида кўрмоқчи эдим. Вермеерен яхши эди, Опенда эса ҳақиқатдан ҳам зўр эди", - деди Тедеско The Belgian Football Podcast билан суҳбатда.

Эътиборли томони, Тедеско жамоаси барча турнирлардаги мағлубиятсиз сериясини 10 ўйинга етказди.