Каталониянинг "Барселона" клуби келаётган ёзда таянч ярим ҳимоясини кучайтирмоқчи.
Журналист Рожер Торелло маълумотларига кўра, "кўк-аноранглилар" учта номзод орасидан танламоқда. Клубнинг қисқа рўйхатида "Ньюкасл" футболчиси Бруно Гимараэш, "Реал Сосьедад" таянч ярим ҳимоячиси Мартин Субименди ва "Аталанта" аъзоси Эдерсон Лоуренсо бор.
Эслатиб ўтамиз, ўтган ёзда "Барселона" Серхио Бускетс ўрнига "Жирона"дан Ориол Ромеуни олиб келганди. Ромеу 32 ёшда бўлгани учун "Барселона" келаси ёзда ёшроқ ва истиқболли ярим ҳимоячи билан шартнома имзоламоқчи.
Эслатиб ўтамиз, Субименди ўтган ёзда "Барселона"нинг шорт-листида эди, аммо клуб 60 миллион евро товон пулини тўлай олмади.
