Москванинг "Динамо" ва "Ростов" клуби собиқ футболчиси Виталий Дьяков ЦСКАда ўйнаётган ҳамюртимиз Аббосбек Файзуллаевни РПЛнинг биринчи давраси кашфиёти деб атади.
"Кўпчилик Файзуллаев чемпионатимизнинг биринчи даврасининг асосий кашфиёти бўлди, дейишади, мен бунга қўшиламан. Пиняев бир неча йилдан бери ўйнамоқда ва бу цикл унинг учун унчалик ёрқин бўлмаган. Эҳтимол, ундан катта умидлар бор, шунинг учун у унчалик ёрқин эмасга ўхшайди. Сергей ҳали жуда ёш бўлса-да, унинг учун ҳамма нарса олдинда. Аббос эса ЦСКАга жуда мос тушади, у техник жиҳатдан яхши ва яхши томони билан ажралиб туриши мумкин", - деди Дьяков Metaratings.ru нашрига.
20 ёшли ўзбекистонлик футболчи 2023 йилнинг август ойидан буён "Пахтакор"дан ўтганидан кейин "ҳарбийлар" клубида ўйнамоқда. РПЛ ва Россия кубогининг жорий мавсумида у 14 ўйин ўтказиб, битта гол урди ва тўртта голли узатмани амалга оширди.
