Испаниянинг “Севилья” клуби чап қанот ҳимоячиси Маркос Акуньяни Англиянинг “Астон Вилла” клубига сотишга рухсат берди. Андалусия клуби директори Виктор Орта 15 миллион еврога баҳоланган шартномани шахсан маъқуллаган.
"Астон Вилла" ёзда Акуньянинг трансфери билан қизиққан эди, аммо келишувни якунлаб бўлмади. 32 ёшли Маркоснинг "Севилья" билан шартномаси тугашига бир ярим йил бор. Андалусия клуби мамнуният билан сўнгги имкониятдан фойдаланиб, футболчини сотишга рози бўлди.
Жорий мавсумда Акунья Испания чемпионатида 7 марта майдонга тушди, бироқ бирорта ҳам самарали ҳаракатни амалга ошира олмади.
