Ижтимоий тармоқларда “Севилья” ҳимоячиси Серхио Рамос “Реал” либосига дастхат беришдан бош тортаётгани акс этган видео пайдо бўлди. Рамос бу клубда 16 йил ўйнади, шу боис ижтимоий тармоқлардаги мухлислар норози бўла бошлади.
37 ёшли Рамоснинг ўзи ўша видеони қайта жойлаштирди ва вазиятга ойдинлик киритди.
"Шу пайтгача мен "Реал"нинг олтита футболкасини имзолаганман. Футболкаларни аукционга қўядиган ёки интернет орқали сотадиганлар ҳам бор..." - деб ёзди Рамос ўз саҳифасида.
Эслатиб ўтамиз, шу йилнинг ёзида Серхио Рамос "Севилья"га қайтган эди.
