Франция терма жамоаси ҳужумчиси Оливье Жиру Евро-2024 саралаши доирасидаги Гибралтарга қарши ўйин (14:0) натижаларини сарҳисоб қилди.

“Бу ажойиб оқшом. Мураббий бизга бу оқшомни қизиқарли ўтказишимиз кераклигини айтди, шу билан бирга жиддий бўлиб, боримизни бердик. Танаффусда у бизга ҳамма нарсани жуда яхши бажарганимизни айтди. Иккинчи бўлимни бир хил шиддат билан давом эттириш осон бўлмади, лекин биз энг йирик ғалабамиз бўйича рекорд ўрнатмоқчи эдик. Биз жуда хурсанд бўлдик. Гибралтар жамоаси жасоратли эди ва афсуски, майдондан четлатилганидан сўнг улар учун вазият янада қийинлашди. Менинг голим 3 ёшга тўлган кенжа қизимнинг туғилган куни шарафига нишонланди! У ҳозир ухлаяпти, лекин такрорни томоша қилади! - дея Жирунинг сўзларини келтиради терма жамоа расмий сайти.