Лондоннинг "Арсенал" клуби ҳимоячиси Александр Зинченко Украина - Италия ўйини арафасида Жоржиньо билан гаплашгани ҳақида гапирди.
Футболчининг сўзларига кўра, у жамоадошини кўрганидан хурсанд бўлади, лекин унга дўст сифатида эмас, балки рақиб сифатида муносабатда бўлади.
"Ҳа, биз Жоржиньо билан жуда қизиқарли ўйин бўлиши ҳақида гаплашдик. У бу ўйин масъулиятини тушунади, тушунаман. Уни кўрганимдан жуда хурсанд бўламан, лекин майдонда дўстлар бўлмайди", - деди Зинченко.
Эслатиб ўтамиз, Украина – Италия учрашуви 20 ноябрь, душанба куни Леверкузен шаҳрида бўлиб ўтади.
