Суперлига 21-туридан ўрин олган Сурхон – Олимпик (1:0) учрашувидан сўнг меҳмонлар бош мураббийи Тимур Кападзе ўз фикрларини билдириб ўтди.

“Учрашув давомида ўйин назорати тўлиқ бизда бўлди. Вазиятлар ҳам кўп бўлди, аммо улардан фойдалана олмадик. "Сурхон" қарши ҳужумда бизни жазоламоқчи бўлди. Бу қайсидир эпизодларда ўхшади. Бугун камида дурангга лойиқ эдик, аммо футбол шундай. Мезбонлар зич ҳимояланди. Бундай ҳимояни ёриб ўтиш қийин. Бундан ҳам яхшироқ ўйнасак бўларди. Биринчи таймда ҳам, иккинчисида ҳам асосан қанотлардан ҳужумлар уюштирдик. Боиси, "Сурхон" марказни ёпган эди. Бундай вақтда индивидуал ҳаракатлар ёриб ўтиш учун имконият яратар эди. Айрим футболчилар мен истаган ўйинни кўрсата олишмади.

"Олимпик" ҳақида тарқалган турли хабарлар фейк. Ҳозир барча ўзининг одатий иш тартибида давом этмоқда. Бу нарса ҳақида ўйлаб кўрмаганмиз ҳам.

Келгуси мавсум футболчилар камида биринчи давра шу ерда ўйнагани яхши бўлади. Хорижда тўп тепадиган футболчилар билан муаммолар етарлича. Боиси, апрелда ФИФА кунлари йўқ ва бу каттагина муаммо туғдиради”, – деди Кападзе.