"Тоттенхэм" қишки трансфер ойнасида "Брентфорд"дан ҳужумчи Айван Тонини сотиб олишга уриниб кўрмайди. Бу ҳақда The Mirror хабар беради. Қайд этилишича, "шпорлар" бозордаги саъй-ҳаракатларини "Барселона"дан вингер Рафиньяни сотиб олишга қаратади.

Эслатиб ўтамиз, Тони ўтган мавсумда Англия чемпионатининг энг яхши тўпурарларидан бири бўлганди. Бироқ баҳорда футболчи пул тикиш қоидаларини бузгани учун саккиз ойга дисквалификация қилинди. 27 ёшли футболчининг жазо муддати январь ойи ўрталарида тугайди.

"Тоттенхэм" айни дамда Англия Премьер-лигаси турнир жадвалида тўртинчи ўринни эгаллаб турибди.