2024 йилги Европа чемпионатига яна бир йўлланма ўз эгасини топди. Бу якшанба куни Болгария билан дуранг ўйнаган (2:2) Сербия терма жамоасига насиб этди.
Шу тариқа, 17та жамоа Евро-2024 йўлланмасини қўлга киритди. Бу рўйхат қуйидагича кўринади: Германия (мезбон), Бельгия, Франция, Португалия, Шотландия, Испания, Туркия, Австрия, Англия, Венгрия, Словакия, Албания, Дания, Нидерландия, Руминия, Швейцария, Сербия.
Саралаш турнирининг сўнгги ўйинлари натижаларига кўра, яқин кунларда Европа чемпионатига яна тўртта йўлланма топширилади. Баҳорда плей-офф ўйинлари бўлиб ўтади - қолган учта чипта у ерда ўйналади.
Амалдаги Европа чемпиони Италия терма жамоаси ҳисобланади.
