"Арсенал" футболчиси Такэхиро Томиясу "Бавария"нинг радарида. Мюнхен клуби қишда японияликни қўлга киритмоқчи, аммо "канонирлар" уни қўйиб юборишни режалаштирмаяпти. Sky Germany хабарига кўра, лондонликлар аллақачон "Бавария"га футболчи сотилмаслиги ҳақида хабар беришган. Бундеслига гигантлари Томиясуни кейинги ёзда қўлга киритишга умид қилишда давом этади. Қайд этилишича, мюнхенликларга футболчининг кўп қирралилиги ўзига жалб қилади - у ҳимоянинг барча позицияларида ўйнай олади.
Такэхиро Томиясу 25 ёшда. Transfermarkt портали мутахассислари япониялик футболчини 25 миллион еврога баҳоламоқда.
Эслатиб ўтамиз, мюнхенликлар ёзда "Наполи"дан Жанубий кореялик Ким Мин Чжэни сотиб олганди.