Мадриднинг “Атлетико” клуби собиқ футболчиси Янник Карраско Диего Симеоне билан муносабатлари ҳақида гапирди.
Сентябрь ойи бошида бельгиялик Саудиянинг "Аш-Шабаб" жамоасига ўтиб, "матрасчилар" билан хайрлашди.
"Симеоне «Атлетико» билан шартномасини узайтирганидан хурсандман. Менимча, у ажойиб мураббий ва ажойиб инсон. Диего билан мен кетганимдан кейин ҳам алоқани давом эттирамиз ва бу ажабланарли эмас, чунки мен унинг қўл остида деярли 300 та ўйин ўтказганман. Мен Симеонедан мен учун қилган барча ишлари учун миннатдорман", - дея 30 ёшли вингернинг сўзларини келтиради RTL Info.
Янник Карраско "Атлетико" сафида жами 266 ўйин ўтказиб, 47 гол ва 45 голга ассистентлик қилган.
