Madridning “Atletiko” klubi sobiq futbolchisi Yannik Karrasko Diyego Simeone bilan munosabatlari haqida gapirdi.
Sentyabr oyi boshida belgiyalik Saudiyaning "Ash-SHabab" jamoasiga o‘tib, "matraschilar" bilan xayrlashdi.
"Simeone «Atletiko» bilan shartnomasini uzaytirganidan xursandman. Menimcha, u ajoyib murabbiy va ajoyib inson. Diyego bilan men ketganimdan keyin ham aloqani davom ettiramiz va bu ajablanarli emas, chunki men uning qo‘l ostida deyarli 300 ta o‘yin o‘tkazganman. Men Simeonedan men uchun qilgan barcha ishlari uchun minnatdorman", - deya 30 yoshli vingerning so‘zlarini keltiradi RTL Info.
Yannik Karrasko "Atletiko" safida jami 266 o‘yin o‘tkazib, 47 gol va 45 golga assistentlik qilgan.
