Жанубий Америка Футбол Конфедерасияси (КОНМЕБОЛ) ЖЧ-2026 саралаш босқичи доирасидаги Бразилия ва Аргентина (0:1) ўйини бошланишидан олдин кеча "Маракана" стадионида содир бўлган воқеалар юзасидан баёнот берди.
“Биз жаҳон чемпионати саралаш ўйинлари ташкилотчиси эмасмиз. Биз ҳар доим зўравонликни йўқ қилишга қаратилган ҳаракатлар билан ҳамкорлик қиламиз”, — дея КОНМЕБОЛ сўзларини келтирган El Chiringuito телеканали.
"Маракана"даги учрашув трибунадаги тартибсизликлар туфайли кечикиш билан бошланди. Жамоалар мухлислари старт ҳуштаги чалинмасдан аввал тартибсизликлар қилишди. Муштлашув бўлиб ўтган бир пайтда Аргентина терма жамоаси сардори Лионель Месси жамоани кийиниш хонасига олиб борди, у ердан қайтганидан сўнг у аргентиналикларни қўрқоқлар деб атаган Родриго билан жанжаллашди.
