«Манчестер Юнайтед»нинг 13 нафар футболчиси кейинги икки трансфер ойнасида инглиз клубини тарк этиши мумкин, деб хабар беради Mirror.
Манбага кўра, жамоа бош мураббийи Эрик тен Хаг жамоани қайта қуриш ва рўйхатни тозалашни давом эттиришни режалаштирмоқда.
Қайд этилишича, клубни тарк этишга асосий номзодлар Жейдон Санчо, Мэйсон Гринвуд, Донни ван де Бек ва Антони Марсьялдир.
53 ёшли голландиялик мутахассис ўтган ёздан бери «манкунианликлар»ни бошқариб келмоқда. 12 турдан кейин «Манчестер Юнайтед» 21 очко билан АПЛ турнир жадвалида олтинчи ўринда бормоқда. Пешқадам «Манчестер Сити» (28 очко).
«Манчестер Юнайтед» 26 ноябрь куни «Эвертон»га қарши баҳс олиб боради.
