«Ливерпул»нинг собиқ футболчиси Глен Жонсон Англия премьер-лигасининг бўлажак тури марказий ўйини ҳақида ўз фикрлари билан ўртоқлашди.
25 ноябрь куни «Манчестер Сити» ўз майдонида «Ливерпул»ни қабул қилади. 12 турдан кейин «шаҳарликлар» 28 очко билан турнир жадвалида пешқадамлик қилмоқда, мерсисайдликлар атиги бир очко ортда қолган ҳолда иккинчи ўринда бормоқда.
«Ҳозирда ҳар бир жамоа мағлуб бўладигандек кўринади, аммо мен бу ўйин ғолиби жиддий кучга эга бўлишини ҳис қиляпман, бу эса бир қатор муваффақиятли натижаларга олиб келиши ва жадвалда ишончли пешқадамликни таъминлаши мумкин», - деди инглиз.
