«Liverpul»ning sobiq futbolchisi Glen Jonson Angliya premyer-ligasining bo‘lajak turi markaziy o‘yini haqida o‘z fikrlari bilan o‘rtoqlashdi.

25 noyabr kuni «Manchester Siti» o‘z maydonida «Liverpul»ni qabul qiladi. 12 turdan keyin «shaharliklar» 28 ochko bilan turnir jadvalida peshqadamlik qilmoqda, mersisaydliklar atigi bir ochko ortda qolgan holda ikkinchi o‘rinda bormoqda.

«Hozirda har bir jamoa mag‘lub bo‘ladigandek ko‘rinadi, ammo men bu o‘yin g‘olibi jiddiy kuchga ega bo‘lishini his qilyapman, bu esa bir qator muvaffaqiyatli natijalarga olib kelishi va jadvalda ishonchli peshqadamlikni ta’minlashi mumkin», - dedi ingliz.