Суперлиганинг 25-туридан ўрин олган "Бунёдкор" – "Металлург" (1:0) учрашувидан сўнг меҳмонлар бош мураббийи Веско Стешевич ўз фикрларини билдириб ўтди.

“Футбол 90 дақиқа ўйналади. Ўйлашимча, бугун рақибдан яхши ҳаракат қилдик. Бир вазиятни ўтказиб юбордик ва дарвозамиздан тўп олиб чиқдик. Баҳс сўнггига қадар курашдик, аммо мувозанатни тиклай олмадик. Ўтган тур "Сурхон" ҳам ягона хатомиздан фойданиб кетган эди. Бугун "Бунёдкор" билан беллашувда ҳам ҳолат такрорланди. Жамоамнинг ўйинида пасайиш бор деб ўйламайман.

Афсуски, гол кирита олмаяпмиз. Ўринбоевнинг йўқлиги ҳам сезилмоқда. Бугун соғлиғи билан муаммолар сабаб Ғофурбеков бошланғич таркибда майдонга тушмади”, – деди Стешевич.