"Барселона" ҳужумчиси Роберт Левандовски 2022/23 йилги Испания чемпионати тўпурарлар пойгасидаги ғалабаси ҳақида фикр билдирди.
Аввалроқ, 35 ёшли футболчи ҳар йили Ла Лиганинг энг яхши тўпурарига топшириладиган Пичичи кубогини олгани маълум бўлганди.
"Қўллаб-қувватлаганликлари учун барчага, оилам, жамоам, мураббий ва барча ходимларга раҳмат. Мослашишга вақтим йўқ эди, мен жуда тез мослашишим керак эди ва ҳамма бу борада менга ёрдам берди. Биз Ла Лига, Суперкубок, Кубокни ютдик, энди менда "Пичичи" кубоги бор. Мен бахтлиман", - деди Левандовски "Барселона" расмий сайтига.
Эслатиб ўтамиз, Испания чемпионатининг ўтган мавсумида Левандовски 34 учрашувда 23 та гол урган эди.
