"Байер" ҳимоячиси Жереми Фримпонг Европа гигантларининг радарида. Журналист Руди Галеттининг ижтимоий тармоқларда ёзишича, Фримпонг "Реал Мадрид"нинг қисқа рўйхатида. Бундан ташқари, 22 ёшли нидерландиялик футболчини “Манчестер Юнайтед” кузатиб бормоқда.
Амалдаги шартнома Жереми Фримпонгни "Байер" билан 2028 йилнинг ўрталарига қадар боғлайди. Жорий мавсумда ҳимоячи “доричилар” сафида 16 та ўйинда майдонга тушиб, бешта гол урди ва шерикларига еттита голли узатма берди.
Transfermarkt портали мутахассислари Фримпонгни 45 миллион еврога баҳолаган.
