"Bayer" himoyachisi Jeremi Frimpong Yevropa gigantlarining radarida. Jurnalist Rudi Galettining ijtimoiy tarmoqlarda yozishicha, Frimpong "Real Madrid"ning qisqa ro‘yxatida. Bundan tashqari, 22 yoshli niderlandiyalik futbolchini “Manchester Yunayted” kuzatib bormoqda.
Amaldagi shartnoma Jeremi Frimpongni "Bayer" bilan 2028 yilning o‘rtalariga qadar bog‘laydi. Joriy mavsumda himoyachi “dorichilar” safida 16 ta o‘yinda maydonga tushib, beshta gol urdi va sheriklariga yettita golli uzatma berdi.
Transfermarkt portali mutaxassislari Frimpongni 45 million yevroga baholagan.