«Ювентус»нинг собиқ бош мураббийи Антонио Конте Турин клубига жамоа мураббийи сифатида қайтиши мумкинми, деган саволга жавоб берди.
«Никоҳ ҳар доим икки томоннинг розилиги билан тузилган, шунинг учун бу фақат менга боғлиқ эмас. Бундай истакнинг ўзаро бўлиши муҳимдир.
Ҳозир мен бўш вақтимни мароқли ўтказяпман. Мен ҳали ҳам билимларим ҳажмини ошириш учун ўқишни давом эттираман», - дея Контенинг сўзларини келтиради журналист Алфредо Педулла.
Эслатиб ўтамиз, Конте 2011 йилдан 2014 йилгача «Ювентус»ни бошқарган. Бу даврда италиялик мутахассис бошчилигида «кекса синёра» уч марта Италия чемпиони бўлди ва икки марта Италия Суперкубогини қўлга киритди.
