"Интер" бош директори Жузеппе Маротта яна бир бор ҳужумчи Лаутаро Мартинес билан шартнома борасидаги вазият ҳақида гапирди. Аргентиналик футболчининг келишуви 2026 йилнинг ёзида тугайди, бироқ "нерадзуррилар" шартномани узайтирмоқчи.
"Биз Лаутаро ва унинг агенти билан янги шартнома борасида музокара олиб бормоқдамиз. Шу билан бирга, биз ўзимизни жуда хотиржам ҳис қиламиз. Ўйлайманки, музокараларда ҳеч қандай муаммо бўлмайди, чунки Мартинес "Интер"да қолмоқчи", - деди Маротта.
Жорий мавсумда Мартинес Италия А Сериясида 13 та ўйинда майдонга тушиб, 13 та гол урди ва 2 та голли узатмани амалга оширди.
