Ўтган мавсум марказий ҳимояда ишончли ўйин намойиш этган сербиялик Дарко Станоевич ҳозирда Қозоғистоннинг "Актобе" жамоаси кўригидан ўтмоқда.
Дарконинг бу жамоада қолиши эҳтимоли юқори бўлганлиги боис, унинг ўрнига босниялик Градимир Црногорацни таклиф этилди. Анча бўйдор бу ҳимоячи сўнгги икки ярим мавсумни Қозоғистонда ўтказган. Дастлаб “Атирау”, кейинчалик Қизилўрданинг “Қайсар” жамоаси шарафини ҳимоя этган.
Градимир 2006 йил Россия биринчи дивизионида ҳамюртимиз Виталий Денисов билан Нижний Новгороднинг “Спартак” жамоаси шарафини ҳимоя этган. У кўрикдан муваффақиятли ўтадиган бўлса, 2013 йилни “Олмалиқ” сафида бошлайди.
Бугун жамоамиз “Бунёдкор” мажмуасида Александр Мочинов устозлик қилаётган “Бунёдкор” ёшлар жамоаси билан назорат баҳсини ўтказади
