ОЧЛнинг 5-тури доирасидаги "Навбаҳор" - "Ал Ҳилол" ўртасидаги беллашув якунига етди.

Биринчи даврада Саудияда очко олиб келган наманганликлардан мухлисларнинг умиди катта эди. Аммо, Неймарсиз Наманганга ташриф буюрган "Ал-Ҳилол" Малком ва Салим ал-Давсарининг голлари эвазига "Навбаҳор"ни мағлуб этишга қийналмади.

Беллашувнинг 68-дақиқада белгиланган пенальтини Ўткир Юсупов қайтарди, лекин қайтган тўпга биринчи бўлиб етиб келган Малком уни қийинчиликсиз наманганликлар дарвозасига йўллади.

Учрашувнинг 85-дақиқасида эса Салим ал-Давсари Ўткир Юсуповнинг ўз жойини ташлаб чиқиб кетганини кўрди ва узоқ масофадан аниқ зарба йўллаб, жамоасини 2:0 ҳисобида олдинга олиб чиқди.

Шу тариқа, наманганда минглаб мухлислар кўз ўнгида бўлиб ўтган беллашувда Самвел Бабаян шогирдлари мағлубиятга учради.

"Навбаҳор" - "Ал Ҳилол" 0:2

28.11.2023 йил, соат 21:00

Наманган, "Навбаҳор" стадоини.

Голлар: Малком 68', Салим ал-Давсари 85'

"Навбаҳор": 1. Ўткир Юсупов, 8. Иброҳим Йўлдошев, 13. Филип Иванович, 5. Милош Милович, 22. Игорь Голбан, 10. Жамшид Искандеров, 77. Асадбек Собиржонов (7. Остон Ўрунов 46'), 23. Йован Жокич, 17. Аброр Исмоилов (19. Дониёр Абдуманнопов 70'), 14. Жамшид Болтабоев, 91. Тома Табатадзе (21. Темурхўжа Абдухолиқов 82').

"Ал Ҳилол": 37. Яссин Буну, 2. Муҳаммад ал-Бурайк, 3. Калиду Кулибали, 5. Али ал-Булайҳи, 66. Сауд Абдулраҳмон, 28. Муҳаммад Канно, 22. Сергей Милинкович-Савич, 29. Салим ал-Давсари, 56. Муҳаммад ал-Қаҳтони (77. Малком 68'), 14. ал-Ҳамдан, 11. Сауд ал-Шеҳри (9. Александар Митрович 68').

Огоҳлантиришлар: Йован Жокич 10', Иброҳим Йўлдошев 30', Муҳаммад ал-Қаҳтони 58', Филип Иванович 66', Муҳаммад ал-Бурайк 80', Сауд Абдулраҳмон 84.

Четлатиш: Иброҳим Йўлдошев ("Навбаҳор")