Футбол тарихи ва статистикаси халқаро федерацияси (IFFHS) танлаган экспертлар 2012 йилдаги энг яхши диспетчерларига овоз беришди. Топ-15га Европанинг 11, Жанубий Америка ва Африканинг 3 нафар спортчиларининг номлари тилга олинишди.

15 футболчилар 10та давлатдан бўлиб, улардан кўпи Испаниядан — 5 нафар. Шунингдек, уларнинг 7 нафари Испания Ла-лигасида тўп суришса, Англия Премьер-лигасида 5 нафар футболчи фаолият олиб боради.

"Барселона"нинг 3 нафар футболчиси яна дастлабки 3 ўринни эгаллашди. Уларнинг ҳар учаласининг бўйи 170 см.дан ошмайди. Хави 2008-2011 йиллар оралиғида 4 марта дунёнинг энг яхши плеймейкери деб топилган бўлса, бу галги сўровномада у 2-ўринни эгаллади. Аввалги 2 йил давомида кучли учликка кирган Иньеста эса 2012 йилнинг энг яхши плеймейкери деб топилди. 28 ёшли ярим ҳимоячи "Барселона" ва Испания терма жамоаси сафида ажойиб мавсумни ўтказди.

Аргентиналик Лионель Месси эса бундай сўровномада 2007 йилдан бери кетма-кет бешинчи марта 3-ўринни эгаллади. Италия терма жамоаси ва "Ювентус" клубининг 33 ёшли диспетчери Андреа Пирло германиялик Месут Ўзилни 4-ўриндан пастга тушириб юборди. Шу тариқа "Реал" плеймейкери худди 2010 йилда бўлгани каби 5-ўринни олди.

Португалиялик Криштиану Роналду эса сўровномада 6-ўринни банд этди. "Манчестер Сити" футболчилари Яҳё Туре ва Давид Сильва, бразилиялик Неймер кейинги ўринларни банд этишди.

1. Андрес Иньеста ("Барселона" / Испания) — 146
2. Хави ("Барселона" / Испания) — 128
3. Лионел Месси ("Барселона" / Аргентина) — 98
4. Андреа Пирло ("Ювентус" / Италия) — 87
5. Месут Ўзил ("Реал" / Германия) — 43
6. Криштиану Роналду ("Реал" / Португалия) — 34
7. Давид Сильва ("Манчестер Юнайтед" / Испания) — 9
7. Яҳё Туре ("Манчестер Юнайтед" / Кот-д‘Ивуар) — 9
7. Неймар ("Сантос" / Бразилия)  — 9
10. Стивен Жерард ("Ливерпуль" / Англия)  — 8
11. Златан Иброҳимович (ПСЖ / Швеция)  — 7
12. Хаби Алонсо ("Реал" / Испания) — 5
12. Френк Лемпард ("Челси" / Англия) — 5
12. Хуан Мата ("Челчи" / Испания) — 5
12. Радамел Фалькао ("Атлетико" / Колумбия) — 5