Мадриднинг «Реал» клуби бош мураббийи Карло Анчелотти жамоа ярим ҳимоячиси Тони Крооснинг келажаги ҳақида гапирди.
«У қарор қабул қилади. Ҳамма Кроосни бу ерда жуда яхши кўради, у буни яхши билади. У аввалгидек ўйнашда давом этмоқда. Унинг бу масалага муносабати ўзгармади», - дея Анчелоттининг сўзларини келтиради клуб матбуот хизмати.
Германиялик ярим ҳимоячи 2014 йилдан бери «Реал»да ўйнаб келмоқда. Жорий мавсумда 33 ёшли Кроос барча турнирларни ҳисобга олган ҳолда 18 та учрашувда майдонга тушиб, битта гол урди ва 4 та голли узатмани амалга оширди.
Футболчининг клуб билан шартномаси келаси ёзда якунига етади.