Голландия терма жамоасининг собиқ футболчиси Уэсли Снейдер 2010 йилги «Олтин тўп» ҳақида гапирди.
Ўшанда Лионель Месси бош совринни қўлга киритган, гарчи Снейдер ва унинг клуби треблга эришиб, терма жамоаси Жаҳон чемпионати финалига чиққан бўлса ҳам Уэсли бош совриндан қуруқ қолган.
«2010 йилда «Олтин тўп»ни мен эмас, Месси қўлга киритгани бироз адолатсизлик бўлди. Лекин мен бу ҳақда йиғлайдиган йигит эмасман.
«Олтин тўп» - бу индивидуал мукофот, аммо мен жамоавий совринларни қўлга киритишни афзал кўраман.
Агар мен Чемпионлар лигаси ва «Олтин тўп» ўртасида танлов қилишим керак бўлса, мен Чемпионлар лигасини танлаган бўлардим», - деди Снейдер.
