Жорий мавсум тугаётганлиги ва янги футбол мавсумига тайёргарлик яқинлашаётганлиги муносабати билан айрим футболчилар ўзлари ёқтирган жамоалар билан келишиб, ҳозиргача фаолият юритган клублари билан хайрлашмоқдалар. Бундай футболчилар "Нефтчи"да ҳам бор.

Клуб матбуот хизматининг тарқатган хабарига кўра, жамоа раҳбарияти ва мутахассислари клубни тарк этаётган Владимир Назаров, Улуғбек Хошимов, Нодирхон Неъматхонов ва бошқаларга Фарғона футболини ривожлантиришга қўшган муносиб ҳиссалари учун самимий миннатдорчилик билдириб, янги жамоаларида янги муваффақиятларга эришишларини тилаб қоладилар.