Англия чемпионатининг 14-туридан ўрин олган ўйинда Лондоннинг “Арсенал” жамоаси “Вулверхэмптон” дарвозасига иккита гол урди (ўйин давом этмоқда) ва шу тариқа клуб рекордини такрорлади.
Гап шундаки, бу “Арсенал” ва “Вулверхэмптон” жамоалари ўртасидаги Англия чемпионатидаги кетма-кет 32-учрашув бўлди. Ортда қолган барча учрашувларда лондонликлар камида битта гол урган.
Охирги марта "канонирлар" 1979 йилда "бўрилар" дарвозасига гол ура олмаганди. Кетма-кет 32 ўйиндан иборат бу серия "Арсенал" тарихидаги аниқ бир рақибга қарши ўйиндаги энг яхши сериянинг такрорланишидир.
