“Металлист” – “Бунёдкор” учрашувидан сўнг “қалдирғочлар”нинг ҳужумкор ҳимоячиси Акмал Шораҳмедовнинг ушбу ўйин ҳақидаги фикрлари билан қизиқдик.

- Биз ушбу ўйинда ҳисобни умуман ўйламаган ҳолда майдонга тушдик. Буни мураббийларимиз ҳам таъкидлашиб, асосан турли хил тактик режаларимизни синаб кўришимизни айтишди. Шу боисдан ҳам учрашув давомида турли хил кўрсатмаларни бажаришимизга тўғри келди. Тайёргарлигимиз доирасида эндигина биринчи хорижий йиғинимизни якунлаяпмиз. Шунингдек, ҳисоб бўйича “Металлист” иккинчи спарринг рақибимиз бўлди. Айтмоқчиманки, ҳозирги ҳолатда биз ҳали мавсумга тайёр эмасмиз. Секин-аста куч йиғиб, даражамизни кўтариб борамиз.

Рақиб ҳақида гапирадиган бўлсам, “Металлист” сўнгги йилларда Украина чемпионатидаги “Динамо” ва “Шахтёр”нинг қўшгегемонлигига чек қўйган жамоа ҳисобланади. Бежизга улар Европа лигасида муваффақиятли иштирок этишмаяпти. Жамоа ўзагини бразилиялик ва аргентиналик футболчилар ташкил этишади. Бизга маълумки, лотин америкалик футболчилар техник жиҳатдан устун саналишади. “Металлист”нинг устун томони ҳам айнан таркибда техник жиҳатдан кучли ўйинчилар кўплигидир, - дейди Акмал Шораҳмедов.