Италиялик афсонавий дарвозабон ва жаҳон чемпиони Жанлуижи Буффон 2024 йилги Европа чемпионатига қуръа ташлаш натижаларини сарҳисоб қилди.
Евро-2024да Италия терма жамоаси Испания, Хорватия ва Албания билан бир гуруҳдан жой олди.
"Тўртинчи саватчада бўлганимиз учун қуръа қийин бўлиши кутилганди. Бу гуруҳ Евро-2012да бўлган гуруҳга бироз ўхшайди - ўшанда биз гуруҳджа иккинчи ўринни эгаллагандик ва финалга чиққандик. Амалдаги форматга кўра, тўртта учинчи ўринни эгаллаган жамоалар ҳам коэффитсиентларни ошириб, плей-оффга чиқишади.
Албатта, биз бу қуръадан хавотирдамиз, аммо бошқа жамоалар Италия билан бир гуруҳдан жой олгани учун хурсандчиликдан сакраб ўтирмайди.
Турнирда таркибнинг кучи бўйича Италиядан устун бўлган уч-тўртта жамоа бор, аммо биз бирлашган ва бир бўлиб ишлаганимизда ким биздан кучлироқ бўлиши мумкинлигини билмайман", - деди Буффон RAI Sport нашрига.
