Миланнинг “Интер” клуби марказий ҳимоячиси Алессандро Бастони жамоа савияси ҳақида гапирди.
"Нерадзуррилар" А Сериянинг 14-туридан кейин 35 очко билан пешқадамлик қилмоқда ва мос равишда 33 ва 29 очкога эга “Ювентус” ва “Милан”ни ортда қолдирди. Якшанба куни Симоне Индзаги шогирдлари меҳмонда “Наполи”ни мағлуб этишди – 3:0.
"Биз ўзимизни А Сериядаги энг кучлимиз деб ҳис қиляпмизми? Биз ўз кучимизни биламиз, аммо диққатимизни жамламасак, ўйинларда ғалаба қозона олмаслигимизни ҳам биламиз. Бу аввал ҳам содир бўлган. Муваффақиятимиз сирларидан бири шундаки, биз майдондан ташқарида ҳам бирлашганмиз, бу кўп ёрдам беради”, - дея Бастонининг сўзларини келтиради журналист Альфредо Педулла.
