"Наполи" ярим ҳимоячиси Андре-Франк Замбо-Ангисса "Ювентус"нинг трансфер мақсадига айланди.

Турин клуби спорт директори Криштиану Жунтоли аллақачон камерунлик футболчининг агенти билан алоқага чиққан. Хабарларга кўра,"кекса синьора" раҳбарияти 28 ёшли футболчини 2024 йилда сотиб олиш имкониятини жиддий кўриб чиқмоқда. Ярим ҳимоячининг шартномасида товон пули 45 миллион евро қилиб белгиланган – аммо бу банд фақат хориж клублари учун амал қилади. "Наполи" президенти Аурелио Де Лаурентис футболчининг кетишига қарши.

Transfermarkt портали Андре-Франк Замбо-Ангиссанинг трансфер қийматини 40 миллион еврога баҳоламоқда.