«Манчестер Юнайтед» бош мураббийи Эрик тен Хагнинг клуб бошқарувидаги тақдири ҳозирча ноаниқлигича қолмоқда.

Жамоа ўз олдига қўйган мақсадларга эришмаса, нидерландиялик мутахассис мавсум сўнгида истеъфога чиқарилиши мумкин. Шу боис, "МЮ" раҳбарияти янги мураббий борасида ҳар эҳтимолга қарши бош қотирмоқда.

Шундай вариантлардан бири – Хулен Лопетеги. Томонлар ўзаро гаплашиб, эҳтимолий ҳамкорликни муҳокама қилишди.

Лопетеги август ойида «Вулверхэмптон»дан истеъфога чиқарилганди. Аввалроқ у Испания терма жамоаси ва «Реал» клубини бошқарган. У Саудия Арабистонидан тушган таклифга рад жавобини бергани ҳақида хабар бериб ўтгандик.